ოკუპაციური თერაპია ბინაზე გამოძახებით
ოკუპაციური თერაპია ადამიანებს ეხმარება გაიუმჯობესონ ფიზიკური, სენსორული და კოგნიტური უნარები, გამოიმუშონ საჭირო ჩვევები, რომლებიც დაეხმარებათ დამოუკიდებლად ცხოვრებაში. ოკუპაციური თერაპევტის მიზანია ხელი შეუწყოს პიროვნებას, საკუთარი მდგომარეობიდან გამომდინარე, მიაღწიოს ფუნქციონირების მაქსიმალურ დონეს, გახდეს დამოუკიდებელი ყველა სფეროში და გაზარდოს ცხოვრების ხარისხი.
ოკუპაციური თერაპევტისთვის ერთ-ერთი მთავარი ამოცანა, იმის დადგენაა, თუ რისი გაკეთება უჭირს ადამიანს გარკვეული შეძენილი თუ თანდაყოლილი მდგომარეობის გამო. ზრდასრულთა შემთხვევაში ეს შესაძლოა იყოს ინსულტი, თავის ტვინის და ზურგის ტვინის დაზიანება, სხვადასხვა ნევროლოგიური დაავადებები და სხვა.
ჯეო მედის დახმარებით უკვე შესაძლებელია ოკუპაციური თერაპევტის ბინაზე გამოძახება. აღნიშნული მომსახურება მოიცავს:
რეკომენდაციებს ყოველდღიური ცხოვრების აქტივობებთან დაკავშირებით, როგორებიცაა კვება, ჩაცმა, პირადი ჰიგიენა და სხვა)
ყოველდღიური რუტინის დაგეგმვას და მასში პაციენტის მაქსიმალურ ჩართულობას
გარემოს მორგებას პაციენტის შესაძლებლობებზე.
მეხსიერების, კონცენტრაციისა და შემეცნებითი უნარების განვითარების ხელშეწყობას.
ეს ყველაფერი ის არის, რაზეც ოკუპაციური თერაპევტები მუშაობენ სხვადასხვა დამხმარე ტექნოლოგიის, სპეციალური ტექნიკისა და სავარჯიშოების გამოყენებით.
პაციენტისთვის არსებული თუ პოტენციური შესაძლებლობების რეალიზება ძალიან მნიშვნელოვანია რეაბილიტაციის პროცესში, ეს ზრდის მის ეფექტურობას, რადგან ის მოქმედებს, მის განწყობაზე, მოტივაციაზე და მის ფსიქოლოგიურ მდგომარეობაზე.
უახლესი
ფიზიკური თერაპია ( ფიზიო თერაპია) ბინაზე გამოძახებით
ფიზიკური თერაპია ბინაზე გამოძახებით ფიზიოთერაპია მედიცინის დარგია, რომელიც მიზნად ისახავს სხეული...
მეტის წაკითხვა